COMMENTARIORUM
AD PANDECTAS
LIBRI QUINQUAGINTA,
In quibus, præter Romani Juris principia ac controversias illustriores, etiam hodiernum, & præcipuæ Fori Quæstiones excutiuntur.
EDITIO QUINTA VENETA
PRIORIBUS EMENDATIOR ET AUCTIOR
Cui nempe præter V. CL. Caspari Burchardi Titulorum Auctoria Narrationes, et Generalem Titulorum, et Materiarum Indicem, in sex Tomos contentarum,
NUNC PRIMUM ACCEDUNT
Alii duo Tractatus de Furtis, Emitone Venditione, et de Jure Maritimo, qui simul cum prædicto Indice constituunt Tomum Septimum.
TOMUS PRIMUS.
VENETIIS
SUMPTIBUS PETRI MILLESII EDIT.
MDCCXXVII.
LECTORI BENEVOLO.
Cum ante sexennium (scil. an. 1698) Compendium Juris juxta Pandectarum seriem componendo incumberem, id unius negotii unice datum credidi, ut verbis paucis multa complecterer, quæ in institutione privata usum auditoribus fili Ariadnei instar essent. Ex quo scribendi genere ut nullam mihi captavi gloriam, sed solam intendi eorum utilitatem, qui Themidis sacris se initiandos præbituri essent; ita meum institutum illis haud displicuisse viris clarissimis, mihi gratulor, qui sive meo, sive alieno exemplo, publico certe Juventutis bono stimulati, non ita pridem eandem secuti rationem, sua Juris civilis principia, secundum ordinem Digestorum, suam compendiosam Pandectarum tractationem typis vulgaverunt. Nunc Commentarium pleniorem publici juris faciendum, consultum censui …